من بغا الفرقا لقا له عذر واسباب ودليل // خل عنك العذر والاسباب دام الحب ضاع
كان ودك بـ الفراق ابشر عسى عمرك طويل // لا تردد وانت لك كلمة ولك امر مطاع
لي عليك انك تبت بـ كلمة تشفي الغليل // ولك علي اني لا وقف وقفة الرجل الشجاع
لا تجاملني مخافة (قال) مدري خوف (قيل) // عمر هرج الناس مايسمن ولا يغني جياع
كان قصدك سر حبك اوعدك لـ اصبح بخيل // واحمل اسرارك لـ الموت قدر المستطاع
بس قل مـ احبك وابشر بـ صبر جميل // لا تحسب اني مثل من طبعهم لوي الذراع
صاحبك ماهو كذا ياصاحب القد النحيل // صاحبك طبعه غريب وغربته غربة طباع
ايه انا هذا طريقي موحش وصعب وطويل // وانت لا منك تعبت العالم فجوجه وساع
اعتبرني في بداية سكتك عابر سبيل // ورح وانا قلبي معك من وين وجهت الشراع
يكفي اني لا ذكرت فـ (سالفة ) عشاق قيل // ((عاشر احبابه شجاع وفارق احبابه
شجاع ))